1. Umumiy qoidalar

1.1. Ushbu hujjat edutests.uz onlayn platformasidan (keyingi o'rinlarda — "Platforma") foydalanish shartlarini belgilovchi ommaviy ofertadir.

1.2. Platformada ro'yxatdan o'tish, xizmatlardan foydalanish yoki dostup uchun to'lov qilish orqali foydalanuvchi ushbu ofertaning barcha shartlarini to'liq, shartsiz va qaytarib bo'lmaydigan tarzda qabul qilgan hisoblanadi.

2. Xizmat tavsifi

2.1. Platforma pedagoglar uchun attestatsiyaga tayyorgarlik ko'rish maqsadida tavsiyaviy test materiallarini taqdim etadi.

2.2. Platformadagi testlar, savollar va o'quv materiallari o'z-o'zini tekshirish va tayyorgarlik ko'rish vositasi sifatida yaratilgan.

2.3. Platforma rasmiy attestatsiya imtihonlarining biror natijasini kafolatlamaydi. Foydalanuvchi imtihondan o'tish yoki ma'lum ball olishi o'zining bilimi, tayyorgarligi va boshqa shaxsiy omillariga bog'liq.

2.4. Platforma rasmiy davlat organi yoki uning vakili emas, shular bilan hech qanday rasmiy aloqa qilmaydi.

3. Dostup va to'lov

3.1. Platformada testlarni ishlatish uchun dostup (to'liq foydalanish huquqi) ochiladi. Bitta to'lov — Platformadagi barcha testlarga belgilangan muddat davomida to'liq foydalanish imkonini beradi.

3.2. Dostup narxi 15 000 so'mni tashkil etadi va u 90 kun muddatga ochiladi. To'lov karta orqali amalga oshiriladi: foydalanuvchi ko'rsatilgan karta raqamiga to'lovni o'tkazadi, chek yoki to'lov skrinshotini Platformaga yuklaydi, so'ngra to'lov Platforma ma'muriyati (admin) tomonidan tekshirilib tasdiqlanadi.

3.3. Dostup 90 kun amal qiladi. Muddat tugagach, foydalanish huquqini davom ettirish uchun yangi to'lov amalga oshirilishi lozim.

3.4. Dostup amal qilgan muddat ichida testlar va savollarni takroriy ko'rish qo'shimcha to'lovni talab qilmaydi.

4. To'lov va qaytarish siyosati

4.1. Platformada to'lovlar yakuniy hisoblanadi. Foydalanuvchi tomonidan dostup yoki boshqa xizmatlar uchun to'langan pullar hech qanday holatda qaytarilmaydi.

4.2. Foydalanuvchi Platformada dostup uchun to'lov qilish orqali:

• Xizmatni qabul qilganligini tasdiqlaydi;
• Dostup amal qilgan muddat davomida barcha testlardan foydalanish huquqiga ega bo'ladi;
• To'langan summani qaytarishga da'vo qilish huquqidan voz kechadi.

4.3. Dostup 90 kun muddatga ochilgani sababli, foydalanuvchi ushbu muddat davomida testlardan istagan vaqtda foydalanish imkoniyatiga ega bo'ladi. Muddat tugagach, foydalanish uchun yangi to'lov talab etiladi.

4.4. Test natijalari, savollar yoki Platforma mazmuni bo'yicha subyektiv norozilik (foydalanuvchining ko'rsatgan natijasi, imtihondan o'tmasligi, savollar bo'yicha fikr-mulohaza) pul qaytarish uchun asos bo'lmaydi.

4.5. To'lov jarayonidagi texnik xatolik tufayli summa noto'g'ri yechilgan hollarda (masalan, to'lov amalga oshirilib, tasdiqlangan bo'lsa-da dostup ochilmagan yoki bir xil to'lov ikki marta amalga oshirilgan) — foydalanuvchi yordam bo'limi orqali murojaat qilishi mumkin. Bunday holatlar texnik tartibda ko'rib chiqiladi va asosli bo'lsa, tegishli dostup muddati foydalanuvchi hisobiga ochib beriladi (pul qaytarish shaklida emas).

5. Foydalanuvchining huquq va majburiyatlari

5.1. Foydalanuvchi quyidagilarga majburdir:

• Ro'yxatdan o'tishda to'g'ri va haqiqiy ma'lumotlarni taqdim etish;
• Bir jismoniy shaxs uchun bitta akkount yaratish;
• Parolni uchinchi shaxslarga bermaslik va akkount xavfsizligini ta'minlash;
• Platforma qoidalariga rioya qilish.

5.2. Foydalanuvchi quyidagilarni qilish qat'iyan taqiqlanadi:

• Platformadagi test savollari, javoblari, izohlari yoki o'quv materiallarini nusxa ko'chirish, tarqatish, e'lon qilish yoki boshqa resurslarda joylashtirish;
• Skrinshotlar yoki ekran yozuvlari orqali materiallarni tashqariga chiqarish;
• Bir nechta akkount yaratish, firibgarlik yoki xizmatdan noto'g'ri foydalanish.

5.3. Yuqoridagi qoidalarni buzish akkountni cheksiz muddatga bloklash uchun asos bo'ladi.

6. Intellektual mulk

6.1. Platformadagi barcha kontent — test savollari, javoblari, izohlari, dizayn, logotip, interfeys va boshqa materiallar — edutests.uz platformasining intellektual mulki hisoblanadi.

6.2. Kontentning har qanday ko'paytirilishi, qayta nashr etilishi yoki tijorat maqsadlarida ishlatilishi Platforma ma'muriyatining yozma ruxsatisiz taqiqlanadi.

7. Javobgarlikni cheklash

7.1. Platforma quyidagilar uchun javobgar emas:

• Foydalanuvchining rasmiy attestatsiya yoki imtihondan o'ta olmaganligi;
• Foydalanuvchining bilimi, tajribasi yoki boshqa shaxsiy omillari bilan bog'liq natijalar;
• Uchinchi shaxslar (to'lov tizimlari, internet-provayderlar) xizmatidagi nosozliklar;
• Favqulodda holatlar.

7.2. Platforma har qanday holatda foydalanuvchi tomonidan to'langan summadan ortiq zararni qoplash uchun javobgar emas.

8. Maxfiylik

8.1. Foydalanuvchining shaxsiy ma'lumotlari (ism, familiya, telefon, email) faqat Platforma xizmatlarini taqdim etish maqsadida ishlatiladi.

8.2. Shaxsiy ma'lumotlar uchinchi shaxslarga sotilmaydi.

8.3. Foydalanuvchi ma'lumotlari xavfsiz muhitda, zamonaviy shifrlash vositalari bilan saqlanadi.

9. Ofertani o'zgartirish

9.1. Platforma ushbu ofertaning shartlariga bir tomonlama o'zgartirishlar kiritish huquqiga ega.

9.2. O'zgartirishlar Platformada e'lon qilingan sanadan kuchga kiradi. Foydalanuvchi Platformadan foydalanishni davom ettirishi orqali yangi shartlarga roziligini bildiradi.